InFeed Ads

الهجرة الى كندا فيدرال



اول خطوة فى طريق الهجرة فيدرال هى التأكد من ان وظيقتك من ضمن ليستة الوظائف المطلوبة لأنه اذا كانت وظيفتك غير مطاوبة للأسف لا يمكنك التقدم بطلب الهجرة.

هذا هو رابط الموقع الرسمي للهجرة و لا يوجد غيره
http://www.cic.gc.ca/english/index.asp

واي موقع اخر غالبا ما يكون نصب او محامين هجرة وايضا من الممكن ان يكون ضمن اسم الموقع
CIC فيجب الحذر جيدا

من المعروف ان قوانين الهجرة تتغير كل فترة والوظايف ايضا تتغير كل فترة

هذه هى  ليستة الوظايف المطلوبة للقسم الانجليزي (الفيدرال)

http://www.cic.gc.ca/english/immigra...structions.asp

الوظايف في كندا مرقمة كل وظيفة يوجد لها رقم يسمى نوك
NOC

كل وظيفة لها مهام وظيفية محددة على اساسها يتم التقديم على الوظيفة

ما معنى هذا؟؟؟؟

يعنى من الممكن ان يكون اسم وظيفتك فى مصر مختلف عن الأسم الموجود فى كندا فيجب قرأة المهام لكل الوظائف والتقديم على الوظيفة التى تطابق مهام وظيفتك فى بلدك حتى وان اختلف المسمى بشرط تقديم ما يثبت ذلك..


كيف نعرف المهام لكل وظيفة؟؟؟

هذا هو موقع النوك فيه كل الوظايف والمهام الوظيفية لكل واحدة على حدة مرتبة ومصنفة

http://www23.hrdc-drhc.gc.ca/2001/e/generic/welcome.shtml


الأن وظيفتك والحمد لله موجوده في قائمة الوظائف وعندك خبرة في هذه الوظيفة سنة واحدة على الأقل
ما هى الخطوة التاليه؟؟؟

الخطوة التاليه هى حساب الدرجات حيث يجب الحصول على 67 درجة

من خلال هذا الرابط سوف تجد أسئله جاوب عليها بمنتهى الدقة والصراحة لأن اي اجابة غير دقيقة ممكن تؤدى الى حساب خاطئ لدرجاتك بحيث تحصل على 67 درجة او اكثر لكن عند التقديم تكون الحقيقة غير ذلك ويرفض الورق ويتم رد الطلب اليك لأن عدد الدرجات الفعلى اقل من 67 درجة

http://www.cic.gc.ca/english/immigra...sess/index.asp

على اي اساس اى اساس يتم احتساب الدرجات؟؟؟

عوامل متعددة منها:

مستوى اللغة: لازم اثبات ليها بامتحان الايلتس
العمر
الوظيفة
خبرة العمل
التعليم
تعليم الزوجة
اقارب في كندا
فرصة عمل في كندا

كل بند من هذة البنود له درجات وكما اتفقنا لكى تكون مقبول للهجرة لابد ان تحصل على 67 درجة


يفضل اثناء اجابتك للأسئله ان تختار مستوى اللغه اقل من مستواك الفعلى حتى تعرف نا هو المستوى المطلوب منك و ان كان مستواك الفعلى اقل من المطلوب عليك ان تحسن مستواك فى اللغة بقدر الدرجات التى تنقصك.
ولا تختار مستوى فى اللغة الفرنسي الا اذا  كنت متأكد انك تستطيع دخوا امتحان التيف وتحصل فيه على درجات البيسك على الأقل

ونصيحة انك تعمل التقييم مرة على انك المقدم ومرة على ان زوجتك المقدم الرئيس(لو كانت وظيفتها موجودة طبعا) وترى من حصل على درجات اكبر ويكون هو مقدم الطلب ان شاء الله.
الأن انت حصلت على 67 درجة او اكثر .... ماهى الخطة التاليه؟
الخطوة التاليه  هى ملئ الابليكيشن وتحضير الأوراق

لكن قبل هذه الخطوة يفضل احجز اختبار الأيلتس بدء المذاكرة والاستعداد للامتحان

وننوه هنا ان اختبار الايلتس ليس اختبار لغه فقط ولكنه ايضا اختبار التعامل مه اللغه.

احجز اكتر من ميعاد يكون بينهم اكتر من 13 يوم (الوقت المطلوب حتى ظهور نتيجة الايلتس) ولا تقلق اذا حصلت على الدرجة المطلوبة من اول محاوله يمكنك سحب المبلغ المبلغ المدفوع للمحاولة الثانيه.


يتبع لاحقا ان شاء الله.
طبعا حياتك لن تقف الى حين الانتهاء الايلتس

كلا البتة

سوف نبدأ فى ملئ الابليكيشن ونحضر الاوراق

وما أدراك ما الاوراق ....آه

مشاوير وترجمة وبهدلة (علشان انت اكيد في مصر )

بس من اجل الورد ..... ينسقي العليق

قبل ملأ االأبليكيشن وتحضير الأوراق

مارأيكم لو نراجع سريعا

-
لابد ان يكون معك نتيجة اختبار الايلتس
-
لابد ان يكون معك شهادة خبرة معتمدة من مكان عملك بوظيفة من الوظائف الموجوده فى ليستة الوظائف

الخبرة على الأقل عام

ملحوظة: ليس من الضرورة ان تكون الخبرة مطابقة لشهادة التخرج  تكون خريج ادارة اعمال ولكنك تعمل فى وظيفه بعيده عن ادارة الاعمال.


المهم: ان تقدر على اسخراج شهادة من مكان عملك بالمهام الوظيفية (وتحاول ان تجعلها قريبة من ما هو موجودة فى النوك) وبيزنس كارد لرئيسك أو صاحب العمل نفسه

 (وخللي بالك.... بيتصلو ويسألو  …. يعني تزوير مافيش همبكة ممنوع)


بعدين تعمل اختبار الدرجات

http://www.cic.gc.ca/english/immigrate/skilled/assess/Education.asp

طبعا مش ح تعطل نفسك لغاية ما تمتحن ايلتس وتطلع النتيجة علشان كدا ح نبدا
بسم الله الرحمن الرحيم

ونملا الابليكيشن

من هنا
http://www.cic.gc.ca/english/information/applications/skilled.asp

هذا الرابط مهم جدا حيث يحتوى على دليل الارشادات الخاص بملئ الابليكيشن

http://www.cic.gc.ca/english/pdf/kits/guides/EG7.pdf

نصيحة: اقرأه جيدا وبتأنى  سوف يساعدك في ملئ الابليكيشن بالكامل.

وبعدين ح تلاقي تحته الابليكيشن لو كنت متزوج ح تعمل نسختين من Schedule 1ومن Additional Family Information

واحدة ليك وواحدة لزوجتك


اللينكات أهي:


Background/Declaration
[IMM 0008 SCHEDULE 1]

Schedule 3: Economic Classes
[IMM 0008 SCHEDULE 3]



Document Checklist
[IMM 5612]

ملحوظة هامة:

برجاء مراجعة الموقع الأصلي حيث انه يحدث تغيير وتطوير كل فترة في الابليكيشن وشروط الهجرة

ويجب مرتعاة عدم ترك خانات فارغة او وضع بيانات متضاربه او معلومات يثبت عدم صحتها فيما بعد .



l
من الضروره ان  توحد بياناتك وخصوصا الاسم بالانجليش يكون مطابق للموجود في الباسبور تماما

ودا ينطبق كمان على جميع الأوراق المترجمة.




الملفات ممكن ملئها على الكمبيوتر لكن للأسف لا يمكن حفظها

فيه حلين:
-
تملا الابليكيشن وتطبعها فور ملأها
-
تطبع الأبليكيشن وتملاها بعدين بقلم أسود

نيجي بأه للورق
وماااا أدراك ما الورق واستخراجه و.....
التقديم في مكتب الهجرة في نوفا سكوتشيا ويجب ان تكون الأوراق كامله .

حيث يجب عمل نسختين من الفورمز بعد ما نملاهم علشان النسخة التانية ح نقدمها للسفارة (لما تيجي الموافقة ويطلبوها مع الفيش)
ولو فيه أي تغيير حصل في البيانات بنغير الفورم اللي فيها التغيير دا بس


اللي بيقدموا من مصر بيقدمو تبع سفارة كندا في مصر .

اللي بيقدمو من خارج مصر( دول الخليج) بتكون تبع سفارة لندن
دا لينك الأوراق المطلوبة لسفارة لندن
http://www.cic.gc.ca/english/pdf/kits/guides/E37023.pdf

كل دولة ليها سفارة تتابع حالة الهجرةبعد الموافقة المبدئية من مكتب
CIO (مكتب الهجرة بكندا)
لو كنت ف بلد غير مصر وغير دول الخليج
وعلشان تعرف بلدك تبع أي سفارة
دا اللينك اللي بيحدد
http://www.cic.gc.ca/english/informa...pply-where.asp

ملخص سريع للأوراق المطلوبة:

(كل ما يستخدم كإثبات لحساب درجاتك)

-الفورمز بتاعت الأبليكيشن اللي قلنا عليهم قبل كدا

-المقدمين تبع سفارة لندن مطلوب منهم ترافيل دوكيمنت عن الرحلات اللي عملوها (لا تتضمن بلد الاقامة ولا بلد الموطن)
يعني رحلات عمل او فسحة وبيكتب المدة والغرض

-شهادة اجتياز اختبار الأيلتس

-شهادات الميلاد للمقدم ولكل فرد من أفراد الأسرة وقسيمة الزواج.... مترجمة ومختومةمن جهة معتمدة

-شهادات الكلية وبيان درجات للمقدم وللزوجة مترجمين ومختومين من الكلية

-شهادة خبرة من مكان عملك بعدد سنوات الخبرة والمهام الوظيفية ( زي ما موجود في النوك)وموقع من رئيسك ف العمل او صاحب العمل نفسه.... مترجم طبعا ولو ينفع يطلع بالانجليش من جهة العمل يكون أفضل...وترفق معاه بيزنس كارد لصاحب التوقيع

-لو عندك أقارب في كندا تقدم ما يثبت صلة القرابة (شهادة ميلاد القريب مترجمة ) وما يثبت اقامته (صورة كارت البي آر)
او جنسيته (صورة الباسبور الكندي) وما يثبت استمرار اقامته في البلد(مش يكون اخد الباسبور وخلع وما بيدفعش ضرايب
)

-لو عندك عرض عمل بتقدم ما يثبت ذلك من أوراق

-شهادة من البنك بما يثبت المبلغ المطلوب يكون في حسابك للاستقرار (بما يعادله بالدولار الكندي )حسب عدد أفراد الأسرة(بروف اوف فاند)

-صور الباسبورات لكل فرد من أفراد الأسرة توضح رقم الباسبور والبيانات والصورة
ولو مقيم بالخارج تصور كمان الورقة اللي فيها التأشيرة

-الفيش والتشبيه مش مطلوب دلوقتي خالص... لو اتقبلت ح يبعتو لك من السفارة اللي انت تبعها يطلبوه.... (الفيش له صلاحية وممكن تخلص قبل ما يجيلك الرد وتعمله تاني + انه مش مطلوب في الاوراق المقدمة لل
CIO )

-الصور الشخصية ..... ودي ليها مواصفات خاصة موجودة في اللينك اللي فوق ... تطبع الورقة اللي فيها المعلومات بتاعت التصوير وتاخدها معاك الأستوديو تديها للمصور وتأكد عليه يطلعها زي التعليمات بالظبط

فيه مصارف تدفع عند إرسال الطلب ل سي آي او ....والدفع يكون بواسطة:

- بنك درافت وترفق الأصل طبعا وتصوره وتخلي معاك انت الصورة
أو
-الفيزا كارد (تكون سارية وماينفعش كارت الدفع الآمن بتاع الإنترنت)

وفي الحالتين ح تملا الفورم بتاع الدفع وترفقه مع الشيك او مع بيانات كارت الفيزا

كدا انت جهزت الأوراق مش فاضل غير انك تبعتها ع العنوان الموجود في الدليل



ترجمة الأوراق


أهم حاجة
في ترجمة الأوراق انها تكون من مكتب معتمد عنده ختم يثبت ان الترجمة طبق الأصل

قبل الترجمة تكتب الأسامي كلها بالانجليش

(الإسم بالكامل واسم الأم بالكامل لكل فرد من أفراد الأسرة ) في ورقة خارجية حسب ماهي مكتوبة في الباسبور وفي الفورمز بتاعت الهجرة

شهادات الميلاد:
من وزارة الصحة بميدان لاظوغلي(بيترجموها عندهم وبيراجعوها ويختموها)

بتروح بشهادة ميلاد الكمبيوتر وتكون معاك ورقة الأسامي اللي بالإنجليش بيدوك وصل تدفعه وتقوم رايح مبنى الكمبيوتر
علشان الترجمة وتديهم ورقة الاسامي وشهادات الميلاد المطلوب ترجمتها
خلي بالك

وانت في مبني الكمبيوتر بتاع الترجمة راجع الورق كله كويس جدا

الاسامي والتواريخ وكل كلمة وكل حرف لانهم بيغلطو كتير وبعدين وهم بيراجعو قبل الختم يرجعوك تاني لمبنى الكمبيوتر وتدور على اللي ترجمتلك (هما كل واحد مالوش دعوة بشغل التاني)


الورق بيخلص في نفس اليوم ان شاء الله بس روح بدري علشان ما يبعتوك لتاني يوم


قسيمة الزواج:
في وزارة العدل... (بعد وزارة الصحة بشوية __ ممكن تاخدهم في مشوار واحد
)

بتاخد قسيمة الزواج وتروح طالع الدور ال 13
(فيه اسانسير ماتترعبش كدا)
تدخل مكتب الترجمة وتديهم برضه ورقة فيها ترجمة الأسامي زي ما قلنا قبل كدا

ح ياخدها منك ويديك وصل تدفع بيه ولما ترجع له ح يقولك كمان اسبوع


لما ترجع له كمان اسبوع ح يقولك روح اختمها من المحكمة وبعدين من الخارجية
....كووول دا مالهوش لازمة
ختم وزارة العدل كافي بإذن الله

شهادات الكلية وبيان بالدرجات وبعدد ساعات دراسة كل مادة(ترانسكريبت):

دا بتطلبه من كليتك بالانجليش على طول
بتقدم الطلب في شئون الخريجين وتدفع الفلوس وبتروح تاخده ف الميعاد اللي يحدده لك الموظف
مفروض انك بتستلمه في ظرف مغلق ...ماتفتحهوش
 مش لازم الفضول في كل حاجة
فيه كليات بتسلم الشهادات من غير ظرف(ح نعمل ايه نصيبنا كدا
)....مافيش مشكلة المهم ختم الكلية وطبعا ختم النسر

شهادة الخبرة
بتطلعها من مكان عملك بالانجليش ... ولو ما امكنش ممكن بالعربي وبعدين تترجمها في أي مكتب معتمد


شهادة بحسابك في البنك
فيه المبلغ المطلوب للاستقرار حسب عدد أفراد الأسرة ... تعرف المبلغ المطلوب من هنا
بتطلبه بالانجليش من البنك ويكتب لك ما يعادله بالدولار الكندي

الفيش
بتترجمه في وزارة العدل لكن سمعت انك ممكن تطلبه يطلع بالأنجليش من الأول(وطبعا الفيش مش مطلوب دلوقتي )






ليست هناك تعليقات:

إرسال تعليق